當你身處國際大都會，身邊人人都守規矩有禮貌，突然出現幾個自由行等級嘅「山番」，好多人都會覺得好「新奇」，仲幫佢哋拍片影相分享畀人睇佢哋嘅「開心大發現」。
當你係一個人民高度自律嘅地方，去到一個啲人完全唔受控嘅地方呢？唔係偉大嘅強國喔，佢地係高度受控…
跟住落嚟就想探討下 (吐糟) 好多人都幻想到好美好嘅歐洲列強，佢哋嘅表現又係點呢？
以下為無差別地圖炮，因唔想指明某一族群，為本人見聞下之主觀意見，純粹吐嘈。 受唔住打擊或者玻璃心請勿繼續閱讀。
其實初初黎到都好surprise，當我日日見住佢哋習以為常，只可以話原來好多亞洲列強嘅人都好高質…我係亞洲人我驕傲 (打
所以記錄低，等有幸睇到既人驚嚇一下…(笑
飛象過河係常態
好多人好憎既「踩污糟張櫈」係歐洲日日都發生，無論大人定細路，幾乎每日都可以遇到一個。嗯，唔駛懷疑，坐火車的話，可以好清楚見到張櫈係勁污糟既，仲要係絨毛櫈，哈哈。甚至車上面有告示貼出黎叫人唔好踩張櫈，可想而知……
搭車永遠唔排隊
依點其實有啲吹水，因為佢哋好多車都無劃定停係邊個位，所以啲人都係見到車就衝過去，從來都唔會排隊。btw其實好多人當好多人走去架車度時，會推走其他人自己先上車，同阻住人落車都係常有既事。 (有D老人家好中氣會鬧「要先等車上乘客落車再上車」，係咪耳熟能詳呢？)
買野被偷偷插隊
可能依個係鄉下地方比較少見，因為大部分人見到都會出聲，係大城市會比較多⋯ (可能係外國人多) 通常後面一直排緊隊嗰個眼超超咁，或者店員出聲話未到你喎，有心無心插左隊既，都會講聲唔好意思然後行返去後面，不過好多人會見係外國人覺得你唔會出聲話佢所以當無事發生。
開舖頭商品試用
我諗依點真係文化差異比較多，經常會見到係藥妝店嗰類地方，會有不同年齡層不同背景既人，會私自打開舖頭既商品試用，例如洗頭水、Hand cream、各類型護膚品或化妝品… (有啲樽口有封口或者有封條既佢地都會拆) 所以我後來買野都會打開睇下有無用過既痕跡…賣貴野既地方通常都會有人serve，客人要邊隻先拎邊隻出黎。
隨地吐痰好普遍
依個或者係佢哋近年肺炎疫情一發不可收拾既原因之一…哈哈。依種人梗有一個喺左近，係咪有呼吸道問題有咁多痰呀？老人反而比較死板守規矩，但唔係絕對。所以出過街既鞋特別污糟，唔係講笑。
四周圍都係廁所
上一點既延伸，哈哈，無論係火車站、月台定everywhere 對好多人黎講都係廁所，一啲比較大既火車站都總有一啲位傳出惡臭。有可能係因為佢地D廁所要畀錢既關係啦⋯btw佢哋應該無偉大國咁有新意，鍾意表演行為藝術畀人影相。但係又真係幾難接受到。
細路好似生番咁
係街上或其他公眾場所，唔難見到好似生番咁四圍走或走周地碌既細路們。家長一般唔會好理佢哋由得佢… (咩料) 試過鄰居既細路將家門既植物整跌，成盆訓係路中心泥全部跌出黎，家長or 細路都係not my bisiness咁既樣，然後乜都無做當無事發生走左。
題外話，出街要小心細路既扒手，親眼見過…後來個細路仲畀個牛高馬大既大哥兇左一下。同陌生狗狗say hi比較安全。
沒有留言:
發佈留言